Хони идонаатонро ғанӣ гардонидан мехоҳед? Пас бишитобед!

Душанбе, 1 сентябр.(АМИТ «Ховар», Марзия Саидова).- Ба ифтихори 20-умин солгарди Ҷашни истиқлолияти давлатии Ҷумҳурии Тоҷикистон рӯзҳои 2-3 сентябри соли равон бо супориши Ҳукумати ҷумҳурӣ дар чор мавзеи шаҳри Душанбе намоиш-фурӯши асал ва дигар маҳсулоти кишоварзӣ бо нархи арзон ташкил карда мешавад. Ташаббускори ин чорабинӣ шаҳрдории Душанбе ва Вазорати кишоварзии ҷумҳурӣ мебошанд. Тибқи иттилои Шавкат Саидов, котиби матбуотии Раиси шаҳр сокинон ва меҳмонони пойтахт имкон доранд ҷиҳати ғанӣ гардонидани дастархони идонаи худ аз Боғҳои фароғатии «Дӯстии Халқҳо», ба номи Садриддин Айнӣ, майдони 800-солагии Москва ва гулгашти Александр Мироненко маҳсулоти кишоварзӣ ва хусусан асалро бо нархи арзон харид намоянд.