Иқдоми «Форс»
Душанбе, 26 сентябр.(АМИТ «Ховар», Марзия Саидова).-Имрӯз бо ибтикори хабаргузории «Форс»-и Ҷумҳурии Исломии Эрон дар шаҳри Душанбе барои намояндагони васоити ахбори оммаи Тоҷикистон нахустин давраи омӯзишӣ оғоз ёфт, ки он муддати панҷ рӯз идома меёбад. Дар маросими ифтитоҳи давраи омӯзишӣ роҳбарону масъулини хабаргузориҳои давлатӣ ва мустақил, радио ва телевизион, матбуот ва устодони бахши журналистикаи донишгоҳҳои Ҷумҳурии Тоҷикистон ширкат доштанд. Алиасғари Шеърдӯст, сафири Ҷумҳурии Исломии Эрон дар Ҷумҳурии Тоҷикистон доир ба сатҳи ҳамкориҳои мутақобилан судманд ва дурнамои таҳкими робитаҳои ду кишвари ҳамзабон – Тоҷикистону Эрон, хусусан дар бахши иттилоърасонӣ табодули назар карда, баргузории давраи омӯзиширо муҳим ва қадами устувор дар таҳкими ҳамкориҳои иттилоърасонии ҳар ду кишвар арзёбӣ кард. Ҳамзамон, Давлат Назрӣ, сардори раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон доир ба нақш ва ҳамкориҳои Тоҷикистону Эрон сухан карда гуфт, ки Эрон барои Тоҷикистон шарики муҳими стратегӣ буда, ҳар ду кишвар дорои муштаракоти забонию фарҳангӣ ва таърихианд. Мавсуф афзуд, ки дар тақвияти муносибатҳои ҳасанаи ҳар ду кишвар васоити ахбори омма нақши муассир мебозад ва афзалияти бештар дорад. Давлат Назрӣ, нақши хабаргузории «Форс»-ро, ки дар Тоҷикистон намояндагии худро дорад, дар инъикоси саҳеҳи рӯйдодҳои муҳиму сиёсӣ, иқтисодӣ ва иҷтимоию фарҳангии Тоҷикистон муассир арзёбӣ кард. Ҳамзамон, Аббос Дарвиш Тавонгар, сардабири хабаргузории «Форс», Абдусаттор Нуралиев устоди бахши журналистикаи Донишгоҳи славянии Тоҷикистону Русия, рӯзноманигорони шинохта Султони Ҳамад, Зафари Суфӣ, Муҳаммади Эгамзод ва дигарон доир ба афзалияти ташкили давраи омӯзишӣ аз ҷониби хабаргузории «Форс» барои хабарнигорони тоҷик, сатҳ ва дурнамои ҳамкориҳои гуногунсоҳаи Тоҷикистону Эрон, бахусус ҳамкориҳои васоити ахбори омма ва иттилоърасонӣ иброз назар карда, дар ин самт пешниҳодҳои ҷолиб ироа намуданд.








Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд
Оид ба нақши Донишгоҳи давлатии Кӯлоб дар рушди илм ва маориф конфронси ҷумҳуриявӣ доир шуд
Имрӯз дар водиҳои Тоҷикистон ҳаво то 28 дараҷа гарм мешавад
ТАҚВИМИ АМИТ «ХОВАР»: имрӯз 26 октябр, якшанбе, 299-умин рӯзи соли 2025 аст
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад






