Ид дар клуби «Подмосковйе»

Душанбе, 12 сентябр. (АМИТ «Ховар», Марҳабо Зунунова). – Дар шаҳри Новосибирски Федератсияи Русия беш аз сад нафар тоҷикистониҳо барои таҷлили 20 — умин солгарди Истиқлолияти давлатии Ҷумҳурии Тоҷикистон дар Клуби «Подмосковье» ҷамъ омаданд.Ин чорабинӣ бо иҷрои Суруди миллии Ҷумҳурии Тоҷикистон оғоз ёфта, сипас корманди Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия Муҳаммадӣ Давлатов суханронӣ кард. Номбурда ҳамватанон ва меҳмононро бо иди фархунда муборакбод намуда, аз давраҳои муҳими таърихи мамлакат, комёбиҳои мӯҳташам ва нақшаҳои рушду тараққии ҷумҳурӣ, саҳми барҷастаи Президент Эмомалӣ Раҳмон дар таҳкими соҳибихтиёрӣ ва мустақилияти давлатии кишварамон нақл кард. Сипас ба иштирокдорон ва меҳмонони ин чорабинӣ тӯҳфаҳои хотиравӣ ва нишонҳои идонаи Тоҷикистон тақдим шуданд.Дар барномаи консертии ҷамъомад Ҳунарпешаи шоистаи Тоҷикистон Ҳасан Ҳайдар, гурӯҳи «Сомониён» таҳти роҳбарии Маҳмадюнус Файзиддинов ва гурӯҳи «Мавҷи Вахш» — и Ҷӯрабек Шарифов иштирок намуданд.Дар ин бора ба АМИТ «Ховар» дар дафтари матбуоти Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия иттилоъ доданд.