Имзои протоколи Нагойя дар Ню — Йорк
Душанбе, 21 сентябр. (АМИТ «Ховар», Бекназари Абӯбакр). — 20 сентябри соли 2011 дар қароргоҳи СММ дар Ню – Йорк маросими имзои Протоколи Нагойя бобати танзими дастрасӣ ба захираҳои генетикӣ ва истифодаи одилонаю баробари муштарак аз фоидаи корбурди Созишнома дар бораи гуногунии биологӣ баргузор гардид.Протоколро аз ҷониби Тоҷикистон вазири корҳои хориҷии Ҷумҳурии Тоҷикистон Ҳамрохон Зарифӣ имзо намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон иттилоъ доданд.