Имзои Созишномаи навбатӣ

Сентябрь 1, 2011 13:32

Душанбе, 1 сентябр. (АМИТ «Ховар», Пайрав Назаров). – Иттиҳоди Аврупо ва Ҳукумати Ҷумҳурии Тоҷикистон Созишномаи молиявӣ аз рӯи барномаи дастгирии рушди инсонро имзо намуданд. Барномаи номбурда се бахш, аз ҷумла тандурустӣ, ҳифзи иҷтимоӣ ва истифодаи маблағҳои давлатиро, ки 26 миллион евроро ташкил медиҳанд, дар бар мегирад.Тавре ба АМИТ «Ховар» дар Намояндагии Иттиҳоди Аврупо дар Тоҷикистон иттилоъ доданд, мақсади асосии Барнома иборат аз дастгирии рушди инсон: мадад ба беҳдошти вазъи саломатӣ ва ҳифзи иҷтимоии аҳолӣ, аз ҷумла, ҳифзи иҷтимоии қашшоқон ва табақаҳои осебпазиртарини аҳолӣ мебошад. Барномаи мазкур тавассути се омил, яъне дастгирии буҷавӣ (18 миллион евро), кӯмаки техникӣ барои дастгирии татбиқи ислоҳот (5,5 миллион евро) ва қарзҳои бебозгашт ба созмонҳои ҷомеаи шаҳрвандӣ (2,2 миллион евро) роҳандозӣ мешавад.Вазорати тандурустӣ, Вазорати меҳнат ва ҳифзи иҷтимоии аҳолӣ ва Вазорати молияи Ҷумҳурии Тоҷикистон масъули татбиқи барномаи дастгирии рушди инсон дар давоми давраи сесолаи татбиқшавии он маҳсуб мешаванд.

Сентябрь 1, 2011 13:32

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд