Истиқлолияти Тоҷикистон ва ҷамъияти тоҷикон: дастовард ва мушкилот

Душанбе, 2 сентябр. (АМИТ «Ховар», Бекназари Абӯбакр). — Рўзҳои дуюм ва сеюми сентябри соли равон бахшида ба бистумин солгарди Истиқлолияти давлатии Ҷумҳурии Тоҷикистон дар Донишгоҳи миллии Тоҷикистон конфронси илмӣ- амалии байналхалқии «Истиқлолияти Тоҷикистон ва ҷамъияти тоҷикон: таърихи ташаккул, дастовард ва мушкилот» баргузор мегардад.Дар конфронси мазкур пешниҳоди маърўзаҳо дар мавзўи «Ҷамъияти тоҷикон дар масири таърих: марҳила ва маҳалли сукунати онҳо», « Ҷамъияти тоҷикон дар Русияи муосир: ташаккул, ҷараёнҳои этникию иҷтимоӣ ва ниҳодҳои ҷамъиятӣ», «Ҷамъияти тоҷикон ва ҳуввияти миллӣ» дар назар аст.Аз маркази матбуоти Хадамоти муҳоҷирати назди Ҳукумати Ҷумҳурии Тоҷикистон ба АМИТ «Ховар» хабар доданд, ки дар конфронс намояндагони Дастгоҳи иҷроияи Сарвари давлат, Вазорати корҳои хориҷӣ, Хадамоти муҳоҷирати назди Ҳукумати Ҷумҳурии Тоҷикистон, роҳбарони ҷамъияти тоҷикони муқими Аврупову Русия ва олимону адибон ширкат хоҳанд намуд.