Изҳороти Бонки миллии Тоҷикистон

Душанбе, 27 сентябр. (АМИТ «Ховар», Бекназар Абӯбакр).- Рӯзҳои охири ҳафтаи гузашта қурби доллари ИМА дар нуқтаҳои асъори ҷумҳурӣ якбора паст фаромад.Сарфи назар аз зуҳуроти шадиди омилҳои беруна, ки пеш аз ҳама дар коҳиши якбораи нишондиҳандаҳои молиявӣ, қурби асъори ҷаҳонӣ, нархҳои дороиҳои гуногун таҷассум меёбанд ва то дараҷае номуайяниро нисбат ба асъори ҷаҳонӣ эҷод менамояyд, вазъи умумии бозори асъори дохилӣ ва нишондиҳандаҳои амалиётии он дар маҷмӯъ мӯътадил мебошанд. Бонки миллии Тоҷикистон изҳор менамояд, ки бонкҳо, бахшҳои марбутаи онҳо ва нуқтаҳои мубодилаи асъор дар пешниҳоди хизматгузории амалиёти асъорӣ фаъолияти муқаррарии худро минбаъд идома медиҳанд ва дар мавриди зарурӣ ҷиҳати нигоҳдории устувории бозори дохилии асъор омода аст чораҳои оҷилии дахлдор андешад.