Кӯмакҳои ИМА ба рушди деҳоти Тоҷикистон
Душанбе, 20 сентябр. (АМИТ «Ховар», Бекназари Абӯбакр). — Агентии ИМА оид ба рушди байналмилалӣ (USAID) дар Ҷумҳурии Тоҷикистон баргузории як силсила лагерҳои тобистона ва семинарҳоро бо иштироки ширкаткунандагони Барномаи Театри ҷавонон “Сулҳ” (ТҶС) ташкил намуд. Барномаи мазкур театрро ҳамчун василаи эҷодӣ барои ҷалби сокинони деҳот дар муайян намудан ва дарёфти роҳи ҳалли мушкилоти маҳал истифода мебарад. Иштирокчиёни калонсолу ҷавони барнома, ки ба воситаи ин усулҳо омӯзонида шудаанд, барои ҷавонони ҷамоатҳои худ дар вилоятҳои Суғд ва Хатлон семинарҳо ташкил мекунанд. То имрӯз тавассути грантҳои хурд иштирокчиёни барнома 20 семинар оид ба намоишномаи «Тағйирдиҳии низоъ» гузарониданд, ки он зиёда аз 300 иштирокчиро аз вилоятҳои Суғду Хатлон ҷамъ овард. Ёдовар мешавем, ки Барномаи Театри ҷавонон- “Сулҳ” аз ҷумлаи барномаҳои сершумори Агентии ИМА оид ба рушди байналмилалӣ мебошад, ки бо шарофати дастгирии мардуми Амрико имконпазир гардидааст. Аз соли 1992 то имрӯз мардуми Амрико барои барномаҳои дастгирии ниҳодҳои демократӣ, тандурустӣ, маориф ва рушди иқтисод дар Тоҷикистон тақрибан 984 миллион доллар сарф намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






