Картошка-истеҳсол ва истеъмоли он

Душанбе,15 сентябр.(АМИТ «Ховар», Ҳотам Рабиев).-Истеъмоли картошка баъд аз нони гандум дар ҷои дуюм меистад. Инро ба назар гирифта, кишоварзон ҳамасола масоҳати кишти картошкаро васеъ менамоянд ва ба истеҳсоли картошка диққати ҷиддӣ медиҳанд.Соли ҷорӣ дар хоҷагиҳои ноҳияҳои тобеи ҷумҳурӣ майдони кишти картошка ба 5 ҳазору 300 гектар расонида шуда, нақшаи истеҳсоли картошка 116 ҳазору 535 тоннаро дар бар мегирад. Айни ҳол ҳосили 1 ҳазору 546 гектари он ҷамъоварӣ шудааст. Истеҳсол аз майдонҳои ҷамъоваришуда 32 ҳазору 237 тоннаро ташкил дода, ҳосилнокӣ аз ҳар гектар замин ба 207,9 сентнер баробар мебошад.