Коргоҳҳои нави «Сомон — таҷҳизот» фаъоланд

Душанбе, 29 сентябр. (АМИТ «Ховар», Дилшодаи Хайруллоҳ).- Ҷамъияти Саҳҳомии пӯшидаи «Сомон — таҷҳизот» дар нимсолаи якуми соли 2011-ум ба миқдори 7 миллиону 774 ҳазору 346 сомонӣ истеҳсоли маҳсулот, корҳои сохтмонӣ ва дигар хизматрасониҳоро иҷро намуда, нисбат ба нақша 2 миллиону 218 ҳазору 346 сомонӣ зиёд маҳсулот баровард, ки ин 140%-и нақшаро ташкил медиҳад.Ҷамъияти Саҳҳомии пӯшидаи «Сомон — таҷҳизот» дар заминаи пажӯҳишгоҳи илмӣ- тадқиқотии «Фонон»-и шаҳри Маскави ФР бунёд гардидааст.Айни ҳол дар корхона 12 сех, аз ҷумла сехи истеҳсоли дару терезаҳои пластикӣ ва алюминӣ, сехи чопи маводи ороишиву рекламавӣ ва сехи дӯзандагӣ низ фаъолият доранд.Ҳамчунин шумораи коргарони корхона 348 нафар буда, музди миёнаи маоши онҳо дар як моҳ 949 сомонӣ мебошад.Тавре директори корхона Абдулҳошим Исмоилов зимни сӯҳбат бо мо иброз дошт, корхона нақшаи ифтитоҳи сехҳои навро ба роҳ мондааст.