Коркарди пахта дар «Неъмат»

Восеъ, 13 сентябр. (АМИТ «Ховар», С. Холов). – Корхонаи Ҷамъияти Масъулияташ Маҳдуди «Неъмат» — и ноҳияи Восеъ ба қабули пахтаи имсола шурӯъ кард. То ин дам аз хоҷагиҳои деҳқонии ноҳия 2000 тонна пахта қабул ва 700 тоннаи он коркард шудааст. Алихон Худоёров, директори корхона гуфт, ки масъулини коргоҳ бо 400 хоҷагии деҳқонӣ шартнома баста, маблағи чиниши пахта ва сӯзишвориро ба хоҷагиҳо пешпардохт кардаанд. Ба гуфти манбаъ, корхона дар ду баст фаъолият дошта, дар он 130 нафар коргар кор мекунанд. Мавриди зикр аст, ки воридоти ашёи хом нисбат ба ҳамин давраи соли гузашта ба корхонаи мазкур бештар гардида, масъулини корхона тасмим гирифтанд хоҷагиҳоро бо маблағгузории саривақтӣ таъмин намоянд.