М. Барра таассуроташро ба хабарнигорон иброз медорад

Душанбе, 14 сентябр.(АМИТ «Ховар», Марзия Саидова).- Массимо Барра, президенти Комиссияи пайвастаи Салиби Сурх ва Ҳилоли Аҳмар имрӯз дар Душанбе зимни як нишасти матбуотӣ бо хабарнигорон сӯҳбат меорояд.

Аз намояндагии Федератсияи байналмилалии ҷамъиятҳои Салиби Сурх ва Ҳилоли Аҳмар дар Тоҷикистон (ФБҶ СС ва ҲА) ба АМИТ «Ховар» иттилоъ доданд, ки Массимо Барра аз 9 сентябр инҷониб дар Тоҷикистон қарор дорад ва аз машваратхонаҳои мӯътодон дар шаҳрҳои Кӯлобу Хоруғ ва ноҳияи Дарвоз, инчунин аз беморхонаи мӯътодони Вилояти Мухтори Кӯҳистони Бадахшон дидан намуда, бо мақомоти ҳукуматӣ ва беҳдоштии Тоҷикистон дидору мулоқот намуд.

Интизор меравад, ки Массимо Барра таассуроти худро аз Тоҷикистон 14 сентябр зимни нишасти матбуотӣ ба хабарнигорон иброз медорад.

М. Барра ҳамзамон муассис ва узви Шӯрои Бунёди итолиёвии Вилла Мараинӣ буда, тақрибан 40 соли умри худро ба соҳаи беҳдоштӣ, асосан ёрӣ ба мӯътодони маводи мухаддир, бахшидааст.