Муҳоҷирони тоҷик аз асорат озод шуданд

Сентябрь 30, 2011 15:45

Душанбе, 30 сентябр. (АМИТ «Ховар»,  Лутфия Эшонқулова). — Зимни ҳамкории  муштараки Раёсати  федералии Хадамоти муҳоҷирати  Русия  дар  кишвари  Краснодар  ва ташкилоти  ҷамъиятии «Маркази  минтақавии  Ҷануб» якчанд  нафар  шаҳрвандони  Ҷумҳурии  Тоҷикистон, ки  дар  бинои  яке  аз  ширкатҳои  Краснодар  асир  буданд,  озод  карда шуданд. Дар  ин  бора  ба  АМИТ «Ховар»  дар  маркази  матбуоти  Хадамоти  муҳоҷирати  назди  Ҳукумати  ҶТ хабар  доданд. Мувофиқи  суханони  манбаъ, корфармоён  шиносномаҳои  муҳоҷиронро  гирифта,  бо  ин  васила   онҳоро  аз  имконияти баромадан  аз  ҳудуди  ташкилоти  номбурда маҳрум  сохтанд. Кормандони хадамоти  муҳоҷират  ва  прокуратура  барои  озод  намудани  7  нафар   шаҳрвандони  асирафтодаи  Ҷумҳурии  Тоҷикистон  ва  ба  онҳо  баргардонидани  шиносномаҳояшон  чораҳои  таъҷилӣ  дида,  онҳоро  озод  карданд. Дар  робита бо  ин,  Хадамоти  муҳоҷирати   назди  Ҳукумати Ҷумҳурии  Тоҷикистон  ба Раёсати  федералии Хадамоти муҳоҷирати  Русия дар  кишвари  Краснодар,  ташкилоти  ҷамъиятии  «Маркази минтақавии  Ҷануб»,  ҳамчунин  ба  ташкилоти  ҷамъиятии  Маркази  миллии  адабии «Меҳри  Сомониён»  — и ҷамъияти  тоҷикони  кишвари  Краснодар   барои мадади  таъҷилиашон  ҷиҳати  ҳалли  ин  қазия  изҳори  миннатдорӣ  мекунад.

Сентябрь 30, 2011 15:45

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд