Муҳокимаи масоили кӯли Сарез

Душанбе, 3 сентябр. (АМИТ «Ховар», Лутфия Эшонқулова).-Масоили кӯли Сарез ва роҳи ҳалли он дар конфронси байналмилалии илмию техникӣ, ки 26-27 сентябри соли ҷорӣ дар шаҳри Душанбе баргузор мегардад, муҳокима мешаванд. Ташкилкунандаи конфронси мазкур Кумитаи ҳолатҳои фавқулодда ва мудофиаи шаҳрвандии назди Ҳукумати ҶТ мебошад.Тавре ба АМИТ «Ховар» аз маркази матбуоти кумитаи мазкур иттилоъ доданд, масъалаи асосие, ки тибқи нақша ба муҳокимаи аҳли нишаст гузошта мешавад, ин таъсиси консорсиуми байналмиллалӣ доир ба истифодаи оби кӯли мазкур, ки 100 сол қабл дар натиҷаи заминларзаи харобиовар дар кӯҳҳои Помири Тоҷикистон пайдо шудааст, мебошад. Тибқи иттилои манбаъ, айни замон барои дар сатҳи баланд гузаронидани конфронси мазкур гурӯҳи корӣ таъсис ёфтааст.