Муҷассама ба ифтихори муҳофизони ҳуқук

Душанбе, 7 сентябр. (АМИТ «Ховар», Лутфия Эшонқулова). – 6 сентябр дар Вазорати корҳои дохилии ҶТ бо иштироки Сарвазири мамлакат Оқил Оқилов ва вазири ВКД ҶТ Абдураҳим Қаҳҳоров бахшида ба 20 – солагии истиқлолияти ҷумҳурӣ маҷлиси ботантана баргузор шуд.Тавре ба АМИТ «Ховар» дар маркази матбуоти вазорат хабар доданд, дар ин маросим ба кормандони шоистаи мақомоти корҳои дохилӣ мукофотҳои ҳукуматӣ супурда шуданд.Субҳи ҳамон рӯз дар шаҳри Душанбе ба хотири пос доштани хотираи муҳофизони қонун ва амнияти ҷомеа, ки ҳангоми иҷрои вазифаи хидматӣ ҳалок шудаанд, дар вазъияти ботантана муҷассама ифтитоҳ гардид.