Мулоқоти Эмомалӣ Раҳмон бо Роза Отунбоева
Душанбе, 3 сентябр. (АМИТ «Ховар»).- Нимаи дуюми рўзи 2 сентябр Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Роза Отунбоева мулоқот намуд.Дар мулоқот масоили ҳамкории гуногунҷанбаи ду кишвари дўсту ҳамсоя баррасӣ шуд.Дар робита ба вазъияти пешазинтихоботии кишвари ҳамсоя Сарвари давлати Тоҷикистон Эмомалӣ Раҳмон изҳор дошт: — «Тоҷикистон ҳамеша ба рушди боэътидолу осоиштаи қирғизистон ва рўзгори накуи мардуми он манфиатдор аст». Изҳори боварӣ карда шуд, ки интихоботи президентии қирғизистон дар фазои орому осуда ҷараён гирифта, ба таҳкими сулҳ ва ваҳдати миллӣ дар ин кишвар мусоидат мекунад.Бо қаноатмандӣ зикр гардид, ки Тоҷикистону қирғизистон доир ба аксари масоили минтақавию ҷаҳонӣ аз мавқеи ҳамдигар пуштибонӣ намуда, барои татбиқи лоиҳаҳои муштараки ба рушди иҷтимоию иқтисодӣ ва таҳкими амнияту субот дар минтақа равонагардида тадбирҳои муҳим амалӣ менамоянд.Сарони ду давлат ба аҳамияти роҳи мошингарди Душанбе-Рашт-Ҷиргатол- сарҳади Қирғизистон, ки чанде пеш пурра мавриди баҳрабардорӣ қарор гирифт, баҳои баланд дода, ҳавасмандии ду кишвари ҳамсояро ба татбиқи лоиҳаҳои бунёди роҳҳои оҳану мошингард, нерўгоҳҳои барқӣ ва хатҳои интиқоли нерўи барқ, аз ҷумла хатти барқии КАСА – 1000 ва роҳи оҳани Чин-Қирғизистон-Тоҷикистон-Афғонистон ва Эрону Покистон таъкид намуданд. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






