Мурғоб обод мешавад

Хоруғ, 6 сентябр. (АМИТ «Ховар», Л.Додо). — Меҳнаткашони ноҳияи баландкӯҳи Мурғоб дар даврони Истиқлолият дар соҳаҳои гуногуни хоҷагии халқ ба комёбиҳои беше ноил гардидаанд. Ҳукумати ҷумҳурӣ барои рушди иқтисодию иҷтимоии ноҳия соли 2005 қарори махсусро ба тасвиб расонида буд, ки имрӯз аксарияти бандҳои он пурра иҷро шудаанд. Чунончи, дар асоси ин қарор сокинони ноҳия илова ба маош 50 дар сад ҳаққи иловагӣ мегиранд. Дар асоси ин қарор дар ноҳия бинои 4 мактаби нав бунёд гардид. Қариб дар ҳар деҳаи кӯчак бунгоҳи тиббӣ бунёд ёфтааст. То охири сол сохтмони нерӯгоҳи барқи «Оқсу» оғоз мегардад. Дар маркази ноҳия беш аз 15 иншоот бунёд шудааст. Симои деҳоти Мурғоб тағйир меёбад.