Мушкилот бартараф нашудааст

Сентябрь 26, 2011 10:48

Душанбе, 26 сентябр. (АМИТ «Ховар», Лаззат Диловарзод).- Соли таҳсили 2011 дар минтақаҳои ҷумҳурӣ бо нарасидани мутахассисони соҳаи педагогӣ оғоз ёфт, ки асосаш ба ҷои корӣ барнагаштани хатмкунандагони соҳаи буҷавӣ мебошад,- гуфт сармутахассиси раёсати кадр ва корҳои махсуси Вазорати маорифи ҷумҳурӣ Зиёратшо Назруллоев. Айни замон дар мактабҳои таҳсилоти умумии ҷумҳурӣ беш аз 1 ҳазору 100 нафар муаллимони фанҳои гуногун намерасад.Бо вуҷуди он ки бо қарори Ҳукумати ҷумҳурӣ мутахассисони ҷавони даъди таҳсил ба деҳот баргашта бо замини барои сохтмон, наздиҳавлигӣ, қарзҳои имтиёзнок ва замини боғдорию полезӣ таъмин карда мешаванд, қисме аз онҳо бо баҳонаи камии маош дар соҳаи худ ба кор барнамегарданд.Ба иттилои манбаъ, ба кор баргаштани мутахассисони ҷавони соҳаи педагогӣ дар вилояти Суғд 70 фоиз, ноҳияҳои тобеи ҷумҳурӣ -65 -70, ВМКБ 100 фоизро ташкил медиҳад. Аз мутахассисони ҷавони ба кор баргашта 500 нафар бо замини наздиҳавлигӣ, 100 нафар бо қарзҳои имтиёзнок ва 90 нафар бо замини боғдорӣ ва полезӣ таъмин карда шуданд. Мушкилоти нарасидани омӯзгорон дар мактабҳои таҳсилоти умумӣ ҳанӯз бартараф нашудааст. Дар сурати ба кор барнагаштани хатмкунандпагони соҳаи буҷавӣ маблағи дар давоми 4 – 5 сол сарфшудаи буҷа аз ҳисоби онҳо рӯёнида хоҳад мешавад, Вазорати маориф мактабҳоро аз ҳисоби донишҷӯёни курсҳои 4 – 5, ки ба таҷрибаомӯзии дарозмуддат фиристонида мешаванд, таъмин хоҳад кард.

Сентябрь 26, 2011 10:48

Хабарҳои дигари ин бахш

Барои таъмини тозагии муҳити атроф ба шаҳру ноҳияҳои вилояти Суғд 10 адад мотороллери барқӣ дастрас гардид
Дар Душанбе конфронси миллӣ оид ба ҳифзи гуногунии биологӣ баргузор шуд
Дар шаҳри Роғун бахшида ба 31-солагии қабули Конститутсияи Тоҷикистон ҳамоиш доир шуд
Имрӯз дар шаҳри Душанбе ҳаво то 23 дараҷа гарм мешавад
ҚУРБИ АСЪОР: 1 доллари ИМА аз 9.2822 то 9.3200 сомонӣ муқаррар шудааст
Озмуни «Беҳтарин донандаи Конститутсияи Ҷумҳурии Тоҷикистон» баргузор шуд
Донишгоҳи техникии Тоҷикистон бо Донишгоҳи шаҳрсозии Тянҷин дар соҳаи таҳсилоти муҳандисии муосир ҳамкорӣ менамояд
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд