Мусобиқаи чавгонбозӣ

Душанбе, 7 сентябр. (АМИТ «Ховар», Дилшодаи Хайруллоҳ).- Аз 15 то 18 сентябри соли равон дар Донишкадаи тарбияи ҷисмонии Тоҷикистон ба номи Саидмӯъмин Раҳимов мусобиқаи ҷумҳуриявӣ оид ба чавгонбозӣ миёни наврасон баргузор мегардад.Дар чорабинӣ варзишгарон аз вилояти Хатлон, Суғд ва шаҳри Душанбе ширкат хоҳанд кард. Ҳамчунин, санаи 17 – 18 сентябри соли ҷорӣ дар толори варзишии «Ҷашнӣ» — и шаҳри Хуҷанди вилояти Суғд мусобиқаи ҷумҳуриявӣ оид ба «Ушу – Санда» миёни ҷавонону калонсолон доир мегардад.Дар мусобиқа варзишгарони вилояти Суғд, Хатлон, шаҳрҳои Душанбею Турсунзода дар вазнҳои аз 40 то 70 кг миёни ҳам рақобат хоҳанд кард.