Мусодираи 22 кг маводи нашъаовар аз ҷануби кишвар

Душанбе, 19 сентябр. (АМИТ «Ховар», Лутфия Эшонқулова). — Кормандони мақомоти ҳифзи ҳуқуқи ҷумҳурӣ дар рӯзҳои истироҳатӣ наздики 22 кг маводи нашъаовар аз вилояти Хатлон дарёфт намуданд. Тибқи иттилои маркази матбуоти ВКД ҶТ бо гумони даст доштан дар интиқоли маводи мухаддири навбатӣ сокини 25 солаи шаҳри Кӯлоб Ғанӣ Ганиев, ки дар натиҷаи кофтукови хонаи ӯ 21 кг 500 г. маводи нашъадори навъи бангдона дарёфт шуд, дастгир гардид.Худи ҳамон рӯз дар натиҷаи амалиёти дигар дар шимоли кишвар барои фурӯши 1 кг ҳашиш дар ҳудуди бозори «Панҷшанбе» сокини 37 солаи шаҳри Хуҷанд дастгир шуд.Аз рӯи ҳар ду ҳодиса парвандаи ҷиноӣ боз шуда, тафтишот идома дорад.