Мусодираи 714 адад дискҳои пастсифат

Душанбе, 2 сентябр. (АМИТ «Ховар», Бекназари Абӯбакр). — Бо мақсади пешгирии воридоти ғайриқонунӣ, истеҳсол, фурӯш ва паҳншавии маводи аудио-видеовизуалии дорои манзараҳои фаҳшу зӯроварӣ ва экстеримистӣ давоми моҳи август дар шаҳру навоҳии Хуҷанд, Чкалов, Конибодом, Истаравшан, Исфара, Панҷакент, Б. Ғафуров, Зафаробод, Ашт, Ҷ. Расулови вилояти Суғд рейдҳои санҷишӣ гузаронида шуданд. Дар натиҷа аз нуқтаҳои паҳнкунӣ ва фурӯши маҳсулоти аудио — видеовизуалӣ 741 адад дискҳои пастсифат мусодира шуда, нисбат ба соҳибкорон 52 санад тартиб дода шуд. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки барои бе иҷозатнома фаъолият намудани соҳибкорони шаҳру ноҳияҳои Конибодом, Исфара, Б.Ғафуров, Зафаробод, Ашт 12 протокол тартиб дода шуд.