Нақша иҷро шуд!

Турсунзода, 30 сентябр. (АМИТ «Ховар», Ҳотам Рабиев).-Деҳқонони хоҷагии кооперативию истеҳсолии «Дӯстӣ»-и шаҳри Турсунзода зиёда аз 670 тонна пахта ҷамъ оварда, нақшаро бо сарбаландӣ иҷро намуданд. Тавре раиси хоҷагии мазкур Раҷабалӣ Сангинов иттилоъ дод, ҳанӯз дар саҳро ҳосил фаровон буда, деҳқонони хоҷагӣ азм доранд, ки тамоми ҳосилро беталаф ҷамъ оварда, барои ҳосили соли оянда заминаи боэътимод гузоранд.Умуман деҳқонони хоҷагиҳои шаҳри Турсунзода саъй доранд, ки имсол зиёда аз 8 ҳазору 232 тонна пахта ҷамъ оваранд. Лозим ба тазаккур аст, ки ҳоло  деҳқонони хоҷагиҳои ба номи Аскаралӣ Мирзоев, «Ҳақиқат», «Боғи Сомон», «Экспресс» илова ба нақша пахта месупоранд.