Намоиш бахшида ба Рӯзи китоб

Душанбе, 1 сентябр.(АМИТ «Ховар», Марзия Саидова).- «Китоб рукни муҳими тамаддуни башарӣ» — таҳти чунин унвон ба ифтихори Рӯзи китоб дар Китобхонаи миллии ба номи Абулқосим Фирдавсӣ намоиши китобҳо ташкил карда мешавад. Ин чорабинии фарҳангӣ ба ифтихори ҷашни 20-умин солгарди Истиқлолияти давлатии Ҷумҳурии Тоҷикистон ва Рӯзи китоб созмон дода шуда, дар он китобҳои тозанашр, ки дар солҳои соҳибистиқлолии кишвар нашр гардидаанд ба маърази тамошо гузошта мешаванд. Камолзода Шариф, директори Китобхонаи миллии ба номи Абулқосим Фирдавсӣ, дар сӯҳбат ба хабарнигори АМИТ «Ховар» гуфт, ки дар намоишгоҳ беш аз 200 китоби ба тозагӣ нашргардида ба намоиш гузошта мешавад.