Намояндагии нави ҶСК «Тоҷиксодиротбонк» дар Шаҳринав

Душанбе, 29 сентябр. (АМИТ «Ховар», Лутфия Эшонқулова). — Дар ноҳияи Шаҳринав намояндагии нави ҶСК «Тоҷиксодиротбонк» мавриди истифода қарор гирифт.Тавре ба АМИТ «Ховар» аз маркази матбуоти бонки мазкур иттилоъ доданд, дар маросими тантанавии ифтитоҳи намояндагӣ Раиси Шӯрои нозирони ҶСК «Тоҷиксодиротбонк» Тоҷиддин Пиров ва раиси ноҳияи Шаҳринав Раҳматуллои Пӯлод иштирок ва суханронӣ намуданд. Тибқи суханони манбаъ бо ифтитоҳ шудани намояндагии мазкур барои 30 нафар ҷойи нави корӣ фароҳам омад. «Бинои намояндагӣ дорои тамоми шароитҳои зарурӣ барои фаъолияти бонкӣ буда, бо мавриди истифода қарор гирифтани он мардуми ноҳия бо хизматрасонии босифати бонкӣ фаро гирифта мешаванд», — зикр намуданд дар маркази матбуоти «Тоҷиксодиротбонк».