Назари таҳлилгарони афғон дар мавриди мулоқоти «Чоргонаи Душанбе»

Душанбе, 20 сентябр. (АМИТ «Ховар», Бекназари Абӯбакр). – Таҳлилгарони афғон мулоқоти чорҷонибаи президентҳои Ҷумҳурии Тоҷикистон, Ҷумҳурии Исломии Афғонистон, Ҷумҳурии Исломии Покистон ва Федератсияи Русияро, ки 2 сентябри соли 2011 дар шаҳри Душанбе баргузор гардид, иқдоми неки сиёсӣ дар амри ҳамкории сиёсӣ, иқтисодӣ ва стратегӣ арзёбӣ намуданд.Шабакаҳои телевизионии «Афғон – нюс», «Ориёно», «Тулӯъ – нюс», «Нурин», «Нур», «Телевизиони миллии Афғонистон» — и ин кишвар мулоқоти «Чоргонаи Душанбе» — ро иқдоми неки сиёсӣ арзёбӣ намуда, аҳамияти онро барои барқароршавӣ ва сулҳу суботи кишвар, ҷилавгирии қочоқи маводи нашъаовар ва муборизаи шадиди зидди терроризми байналмилалӣ зикр доштанд, ки саҳми он ба беҳдошти вазъи Афғонистон равшан мушоҳида мегардад.Мулоқотҳои дуҷонибаи иштирокдорони «Чоргонаи Душанбе» низ дар маркази диққати таҳлилгарон қарор доштанд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон иттилоъ доданд.