НБО-и хурди нав дар ВМКБ ба истифода дода шуд
Душанбе, 4 сентябр. (АМИТ «Ховар», Кристина Эрлих). — Дар арафаи таҷлили 20-солагии Истиқлолияти давлатии Ҷумҳурии Тоҷикистон дар вилояти мухтори кӯҳистони Бадахшон боз як нерӯгоҳи хурди нав ба истифода дода шуд. Дар ин бора ба хабарнигори АМИТ «Ховар» аз Вазорати энергетика ва саноати Ҷумҳурии Тоҷикистон хабар доданд. Тибқи суханони манбаъ нерӯгоҳи хурди «Ширг-2» дар ноҳияи Дарвози вилояти мухтори кӯҳистони Бадахшон бунёд шудааст. Иқтидори нерӯгоҳи мазкур 500 киловат соат буда, метавонад тамоми сол аҳолии ноҳияи Дарвозро бо нерӯи барқ таъмин намояд.Зикр кардан бамаврид аст, ки ду сол қабл дар ин мавзеъ нерӯгоҳи хурди барқи обии «Ширг-1» мавриди истифода қарор гирифта буд. Тибқи иттилои вазорати дар боло зикргардида дар нимаи аввали соли ҷорӣ дар ҷумҳурӣ шумораи умумии нерӯгоҳҳои хурд ба 250 адад расид. То таҷлили ҷашни 20-солагии Истиқлолияти давлатӣ тибқи нақша боз ду нерӯгоҳи хурд — «Сангикар» дар Рашт ва «Марзич» дар ноҳияи Айнӣ мавриди истифода қарор хоҳад гирифт. Нерӯгоҳи барқи обии «Марзич», ки иқтидораш 4,3 мегават мебошад, метавонад як қатор ноҳияҳои водии Зарафшонро бо нерӯи барқ таъмин намояд.Бояд зикр кард, ки дар доираи барномаи дарозмуддати бунёди нерӯгоҳои хурди барқи обӣ то соли 2020 бунёди 189 нерӯгоҳҳои хурд дар назар аст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






