Оқил Оқилов мукофот супорид

Душанбе, 6 сентябр.(АМИТ «Ховар», Назокат Қодирова). — Имрӯз дар Вазорати энергетика ва саноати Ҷумҳурии Тоҷикистон бо иштироки Сарвазири Ҷумҳурии Тоҷикистон Оқил Оқилов маросими сарфароз гардонидани кормандони пешқадами соҳаи энергетика ва саноати ҷумҳурӣ баргузор гардид.Сарвазири кишвар перомуни ба даст овардани сулҳу субот дар чумҳурӣ ва дастовардҳои ноилгардида ҳарф зада, кормандони соҳаи энергетика ва саноатро бо ҷашни 20 – умин солгарди Истиқлолияти давлатии Ҷумҳурии Тоҷикистон табрик намуд.Сипас ба 3 нафар кормандони соҳаи энергетика ва саноат медали ҷашни 20 — солагии Истиқлолияти давлатии Ҷумҳурии Тоҷикистон, ба 3 нафар медали Хизмати шоиста, ба 1 нафар Ифтихорнома супорида шуда, ба 1 нафар унвони фахрии Корманди шоистаи Тоҷикистон дода шуд. Мукофоти давлатиро Сарвазири Ҷумҳурии Тоҷикистон О.Оқилов супорид.