Парлумон Созишномаҳои байнидавлатиро матраҳ сохт
Душанбе, 12 сентябр.(АМИТ «Ховар», Марзия Саидова).- Аъзои Шўрои палатаи поёнии парлумони мамлакат дар ҷаласаи Шӯрои Маҷлиси намояндагон, ки 12 сентябр таҳти раёсати Шукурҷон Зуҳуров, Раиси Маҷлиси намояндагони Маҷлиси Олии ҷумҳурӣ, баргузор гардид, якчанд санадҳои байнидавлатиро мавриди баррасӣ қарор доданд. Инҳо Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Қазоқистон доир ба расонидани кӯмаки ҳарбии ройгон, Созишномаи байни Ҳукумати Ҷумҳурии Тоҷикистон ва Шӯрои Федералии Швейтсария доир ба ҳавасмандгардонӣ ва ҳифзи мутақобилаи сармоягузорӣ, Созишнома байни давлатҳои аъзои Созмони ҳамкории Шанхай доир ба гузаронидани машқҳои муштараки ҳарбӣ ва Созишномаи қарзи имтиёзнок тибқи лоиҳаи ташкили шабакаи ягонаи барқии шимоли Ҷумҳурии Тоҷикистон байни Ҳукумати Ҷумҳурии Тоҷикистон ва Бонки содироту воридоти Чин мебошанд. Зимни тавзеҳи масъалаҳои мазкур Раисони кумитаҳои Маҷлиси намояндагон зикр карданд, ки Созишномаҳои байнидавлатӣ ҷиҳати тақвият бахшидани ҳамкориҳои Ҷумҳурии Тоҷикистон бо кишварҳои хориҷӣ, аз ҷумла кишварҳои узви Созмони ҳамкории Шанхай ва дигар созмонҳои бонуфузи минтақавию байналмилалӣ нақши муассир мебозанд.12.39.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






