Пойтахт ба зимистон то чӣ андоза омода аст?

Душанбе, 21 сентябр.(АМИТ «Ховар», Марзия Саидова).- Дар асоси қарори Раиси шаҳри Душанбе Маҳмадсаид Убайдуллоев 29 сентябри соли 2011 дар шаҳри Душанбе иҷлосияи ҳафтуми Маҷлиси вакилони халқи шаҳри Душанбе давъати чорум баргузор мегардад. Интизор меравад, ки дар иҷлосия масъалаҳои муҳими марбут ба рушди ҳаёти шаҳрдорӣ мавриди баррасӣ қарор гирифта, муовини аввали Раиси шаҳри Душанбе Насрулло Хайруллоев дар бораи чораҳои таъхирнопазири омодасозии шаҳри Душанбе ба мавсими тирамоҳу зимистони солҳои 2011-2012 ҳисобот медиҳад. Вакилони шаҳрӣ гузориши раиси комиссияи доимӣ оид ба масъалаҳои гендерӣ, тандурустӣ, ҳифзи модар ва кӯдак Маҳбуба Каримоваро низ мешунаванд. Тасдиқи як қатор қарорҳои Раиси шаҳри Душанбе дар иҷлосияи ҳафтуми Маҷлиси вакилони халқи шаҳри Душанбе дар назар дошта шудааст.