Президенти Русия ба Тоҷикистон ташрифи расмӣ овард

Сентябрь 2, 2011 09:48

Душанбе, 2 сентябр. (АМИТ «Ховар», Пайрав Назаров). – Бо даъвати Президенти Ҷумҳурии Тоҷикистон Эмомалӣ Раҳмон 2 сентябр Президенти Федератсияи Русия Дмитрий Медведев ба Ҷумҳурии Тоҷикистон ташрифи расмӣ овард.Дар фурудҳои байналмилалии шаҳри Душанбе Д.Медведевро Сарвазири ҶТ Оқил Оқилов истиқбол намуд.Имрӯз, 2 сентябр, мулоқоти чоргонаи Дмитрий Медведев бо Президенти Афғонистон Ҳомид Карзай, Президенти Покистон Осиф Алӣ Зардорӣ ва Президенти Тоҷикистон Эмомалӣ Раҳмон сурат мегирад.Дар нимаи дуюми рӯзи 2 сентябр ташрифи расмии Дмитрий Медведев ба Тоҷикистон шурӯъ мешавад. Аввал мулоқоти президентҳои Тоҷикистону Русия дар шакли як ба як, сипас дар низоми васеъ бо иштироки ҳайатҳои ҷонибайн баргузор мешавад.«Аз рӯи натиҷаи ташрифи расмии Медведев ба имзо расонидани се ҳуҷҷат — Изҳороти муштараки роҳбарони ду давлат, Барномаи ҳамкории иқтисодии байни ҶТ ва ФР  барои солҳои 2011 – 2014 ва Созишнома дар бораи ҳамкории сарҳадӣ дар назар аст», — хабар дод дар нишасти матбуотӣ Давлаталӣ Назриев, сардори Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ 30 август дар шаҳри Душанбе.Президенти Русия ҳамчунин дар маҷлиси навбатии Шӯрои сарони давлатҳои Иттиҳоди Давлатҳои Мустақил, ки 3 сентябри соли 2011 дар шаҳри Душанбе баргузор мешавад, иштирок менамояд.

Сентябрь 2, 2011 09:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд