«Рӯзи дарҳои кушода» дар Академияи хурд

Душанбе, 28 сентябр. (АМИТ «Ховар», Людмила Дубинина ). – 25 сентябр дар Академияи хурди илмҳои назди Академияи маорифи Тоҷикистон «Рӯзи дарҳои кушода» баргузор гардид, ки ба он хонандагони мактабҳои пойтахт даъват шуда буданд. Ин чорабинӣ бо маҷлиси умумӣ оғоз ёфта, дар он президенти Академияи хурд, академик Далер Почоҷонов, котиби илмии академия Светлана Благовешенская, роҳбарони бахшҳои оид ба илмҳо, ҳамчунин хонандагон суханронӣ карданд.Сипас корманди илмии пажӯҳишгоҳи тадқиқоти илмии Академияи маорифи Тоҷикистон, роҳбари бахши педагогика ва психология Мунаввара Назарова изҳор дошт, ки ҳар ҳафта рӯзҳои душанбе дар бинои муассисаи мазкур барои хонандагони синфҳои болоӣ бо олимони номдор, академикҳо ва профессорон мулоқотҳои ҷолиб доир мешаванд.