«Регар- ТадАз» дар зинаи аввали ҷадвали мусобиқот

Душанбе, 28 сентябр. (АМИТ «Ховар», Аловиддин Бӯриев).-Дастаи футболи «Регар- ТадАз» баъди ғалаба бар тими «Парвоз»-и ноҳияи Бобоҷон Ғафуров дар рақобатҳои лигаи олии чемпионати ҷумхурӣ аз нав ба зинаи аввали ҷадвали мусобиқот баромад. Ин вохӯрӣ дар шаҳри Турсунзода бо натиҷаи 3 бар 1 ҷамъбаст гардид. Дар зинаи дуюм дастаи «Равшан»-и Кӯлоб бо 62 имтиёз мавқеъ гирифтааст. Чемпиони соли гузашта «Истиқлол»- и Душанбе бо сабаби дар бозиҳои Ҷоми раиси Конфедератсияи футболи Осиё ширкат карданаш аз ҳарифони худ шаш бозӣ кам гузаронида, бо касби 55 имтиёз дар зинаи сеюм қарор дорад. Дастаи «Гвардия» дар зинаи охирини ҷадвали мусобиқот бо 9 хол ҷойгир шудааст.