Роҳҳо- наздиккунандаи халқу миллатҳо

Душанбе, 30 сентябр. (АМИТ «Ховар», Лаззат Диловарзод).- Бино ба иттилои роҳбари   дастгоҳи раиси шаҳри Қӯрғонтеппа, амалишавии лоиҳаи сохтмони шоҳроҳи Қӯрғонтеппа – Панҷи Поён  бо суръат давом дорад. Ба иттилои манбаъ, шоҳроҳи мазкур бо маблағи бебозгашт (грант) – и ҳукумати Ҷопон, ки 75 млн. долларро дар бар мегирад, сохта хоҳад шуд. Дарозии умумии  ин шоҳроҳ 75 км буда, айни замон навсозии қитъаи 27 километраи Дустӣ — Панҷи Поён мавриди баҳрабардорӣ қарор дода шудааст. Дар километри 42 –юми қитъаи 60 километраи Дӯстӣ — Қӯрғонтеппа 94 фоизи корҳои навсозӣ, аз ҷумла бунёди 7 пул анҷом ёфтааст.Дар назар аст, ки навсозии 18 км роҳи боқимонда соли 2012 оғоз ва то охири ҳамон сол ба охир расонида шуда,  шоҳроҳи Қӯрғонтеппа – Панҷи Поён пурра мавриди истифода қарор гирад.Боис ба ёдоварист, ки шоҳроҳи мазкур аз ҷониби ширкати роҳсозии ҷопонии Дай – Нипон – Нило бо сифати баланди сатҳи байналмилалӣ навсозӣ мегардад, ки он барои   ба ҳам наздиксозии халқу миллатҳои гуногун  дар дохил  ва хориҷ хизмат хоҳад кард.