Се бозии «Истиқлол» мавқуф гузошта шуд

Душанбе, 2 сентябр. (АМИТ «Ховар», Пайрав Назаров). – Бинобар иштироки дастаи мунтахаби миллии Тоҷикистон дар сабқати интихобии даври сеюми Мусобиқоти ҷаҳон – 2014 дар минтақаи Осиё Федератсияи футболи ҷумҳурӣ тасмим гирифт, ки се бозии мусобиқоти кишвар бо иштироки Клуби футболи «Истиқлол» — и шаҳри Душанбе ба вақти дигар гузаронида шавад.Хотирнишон месозем, ки дастаи мунтахаби миллии Тоҷикистон, ки асоси онро футболбозони дастаи «Истиқлол» — и шаҳри Душанбе ташкил медиҳанд, 2 ва 6 сентябр бояд бо дастаҳои мунтахаби Ӯзбекистон ва Ҷумҳурии Мардумии Демократии Куриё қувваозмоӣ намояд.