Семинар-тренинг оид ба истифодабарии манбаи энергия

Душанбе, 4 сентябр. (АМИТ «Ховар», Лутфишо Додо). – Бо ибтикори Ассотсиатсияи энергетикҳои Тоҷикистон ва ҳамкории барномаи рушди Созмони Миллали Муттаҳид дар Тоҷикистон дар ноҳияи Ишкошим семинар-тренинг баргузор гардид. Дар кори он намояндагони Вазорати энергетика ва саноати ҷумҳурӣ, Донишгоҳи техникии ҷумҳурӣ, Ширкати саҳомии холдинги кушодаи «Барқи тоҷик», Тоҷикстандарт, Ширкати барқии Помир иштирок намуданд.Вакили Маҷлиси намояндагони Маҷлиси Олии ҷумҳурӣ Шодӣ Шабдолов заминаҳои қонунгузории ҷумҳуриро дар соҳаи энергетика ва манбаҳои барқароршавии энергияро бо далелҳо шарҳ дод. Дар семинар инчунин намояндаи ШСХК «Барқи тоҷик» Рашид Гулов ширкат намуда, аснодҳои Қонуни Ҷумҳурии Тоҷикистон «Оид ба истифодабарии манбаи энергия»-ро возеҳ ва равшан манзури аҳли нишаст намуд.