Шабакаи гармидиҳӣ гармӣ медиҳад?

Душанбе, 26 сентябр. (АМИТ «Ховар», Дилшодаи Хайруллоҳ). — Муассисаи Шабакаи гармидиҳиҳии шаҳри Душанбе дар доираи чорабиниву нақшаҳои тасдиқгардида то 1 сентябри соли равон таъмири ҷории 14 адад дегҳои гармидиҳӣ (88%), 4 адад бунгоҳҳои гармидиҳандаи бойлерӣ (80%), 12 адад (80%) истгоҳҳои насосӣ, 801 адад (84%) луккидонҳо ва 311 адад (76%) чоҳҳои амудиро ба анҷом расонид ва дар ин самт корҳо идома доранд.Тавре ба мухбири АМИТ «Ховар» иттилоъ доданд, корхона тибқи нақша қубурҳои гармитаъминкуниро ба миқдори 15,3 км (83%) таъмир ва 1,9 км (70%) иваз намуда, 70,3 километри онро аз санҷиши гидравлӣ гузаронид. Корҳои барқароркунии дегхонаи беморхонаи касалиҳои сил ба анҷом расида, барқароркунии дегхонаи беморхонаи ёрии таъҷилӣ идома дорад.Бо мақсади таъмини аҳолӣ бо қувваи барқ ва махсусан ноҳияҳои дурдаст Ҳукумати Ҷумҳурии Тоҷикистон “Барномаи дарозмуддати бунёди силсилаи нерӯгоҳҳои хурди барқӣ дар давраи солҳои 2009 – 2020”-ро аз 2 феврали соли 2009 қабул кард, ки тибқи он сохтмони 189 адад нерӯгоҳҳои барқи обии хурд бо маблағи умумии 123 млн. 134 ҳазор доллари амрикоӣ ва тавоноии 101,2 ҳазор кВт пешбинӣ шудааст.