Симпозиуми V байналмилалӣ

Душанбе, 16 сентябр. (АМИТ «Ховар», Дилшодаи Хайруллоҳ). — Аз 3 то 7 октябри соли равон дар шаҳри Душанбе  Симпозиуми ҳарсолаи «Донишгоҳҳои олии фарҳанг ва ҳунар дар паҳнои ҷаҳонии омӯзишӣ» баргузор мегардад.Симпозиуми ҳарсола –лоиҳаи  арзишманди ҷаҳониест, ки намояндагони илм ва маориф, ходимони фарҳангӣ ва сиёсӣ, сохторҳои давлатӣ, ҷамъиятӣ ва касбии бисёр давлатҳои дунёро гирдиҳам меоварад.Мақсади баргузории Симпозиуми байналмилалии «Донишгоҳҳои олии фарҳанг ва ҳунар дар паҳнои ҷаҳонии омӯзишӣ» тайёр намудани мутахассисони соҳаи фарҳанг ва ҳунар, анъанаҳои миллӣ ва равандҳои ҳозиразамон мебошад. Созмондиҳандагони Симпозиюм Кумитаи кор бо ИДМ-и Шӯрои Федератсияи Русия,  Вазорати фарҳанги Федератсияи Русия, Вазорати маорифи Федератсияи Русия, Хадамоти федералии кор бо Иттиҳоди Давлатҳои Мустақил, ҳамватанони хориҷ аз кишвар ва ҳамкории байналмилалии башардӯстона, Донишгоҳи давлатии фарҳанг ва ҳунари Маскав, Дастгоҳи Президенти Ҷумҳурии Тоҷикистон, Вазорати фарҳанги Ҷумҳурии Тоҷикистон, Вазорати маорифи Ҷумҳурии Тоҷикистон, Донишгоҳи миллии Тоҷикистон,  Консерваторияи Миллии Тоҷикистон ба номи  Сатторов, Донишкадаи Давлатии  санъати Тоҷикистон ба номи Турсунзода, Донишгоҳи славянии Тоҷикистону Русия, Намояндагии Донишгоҳи давлатии фарҳанг ва ҳунари Маскав  дар Ҷумҳурии Тоҷикистон,  Ташкилоти ҷамъиятии «Ҷамъияти дӯстӣ ва ҳамкорӣ бо Тоҷикистон» мебошанд.