Соҳибкорони тоҷик ба «Экспо Покистон» даъват шуданд

Душанбе, 15 сентябр. (АМИТ «Ховар», Бекназар Абӯбакр).-14 сентябр муовини раиси Палатаи савдо ва саноати Ҷумҳурии Тоҷикистон Асаналӣ Карамалиев бо муовини сафири Покистон дар Тоҷикистон Алтамош Вазир Хон мулоқот намуд.Меҳмон мақсади сафарашро дар даъват намудани соҳибкорони Тоҷикистон ба шашумин намоишгоҳи ҳарсолаи «Экспо Покистон», ки аз 20 то 23 октябри соли ҷорӣ дар Маркази Экспои шаҳри Қарочӣ баргузор мешавад, арзёбӣ намуд. Ширкати намояндагони зиёда аз 70 кишвари дунё дар намоишгоҳи мазкур дар назар аст.А. Карамалиев зикр намуд, ки Палата корро дар самти омода намудани иштироки фаъоли ҳайати Тоҷикистон дар намоишгоҳ таъмин менамояд. Дар ин бора ба АМИТ «Ховар» аз маркази матбуоти Палатаи савдо ва саноати ҶТ иттилоъ доданд.