Сомон- Эйр ҳавопаймои нави Боинг 737-900-ро муаррифӣ кард
Душанбе, 30 сентябр. (АМИТ «Ховар», Лутфия Эшонқулова). — 29-уми сентябри соли 2011 Ширкати ҳавопаймоии «Сомон Эйр», ҳавопаймои нави Боинг 737-900-ро муаррифӣ намуд. Ҳавопаймои мазкур (нахустин дар қаламрави ИДМ) чаҳорумин ҳавопаймоест, ки парки ширкати ҳавопаймоии «Сомон Эйр»-ро ғанӣ месозад.Тавре ба АМИТ «Ховар» аз маркази матбуоти ширкати мазкур хабар доданд, ҳавопаймо дар корхонаи тайёрасозии шаҳри Сиэтли Амрико бо фармоиши ширкати ҳавопаймоии «Сомон Эйр» омода шудааст.Ҳавопаймо дорои 184 ҷойи нишаст буда, аз ҷиҳати иқтисодӣ – сарфи сӯзишворӣ хеле самаранок аст. Ҳавопаймо дар хатсайрҳои самти хориҷаи дуру наздик, аз ҷумла Душанбе-Франкфурти лаби Майн, Душанбе-Дубай, Душанбе-Истанбул, Душанбе-Ҷидда, Душанбе-Урумчи, Душанбе-Москва, Душанбе-Санкт-Петербург, ҳамчунин хатсайрҳои нави банақшагирифташудаи Душанбе-Бангкок ва Душанбе-Сеул истифода хоҳад шуд.Ба ҷуз скай интерйер ва намуди дохилии ҳавопаймо, ки бо инобати хусусиятҳои миллӣ иҷро шудааст, системаи мултимедии ҳавопаймо хеле ҷолиб аст. Минбаъд мусофирони ширкат ҳангоми парвоз имкон доранд вақти худро бо гӯш кардани мусиқӣ, тамошои филмҳои нав ва бозиҳо бароҳат гузаронанд. Манбаъ ҳамчунин иттилоъ дод, ки ҳавопаймо тибқи анъана ба шарафи Қаҳрамони миллати тоҷик Шириншо Шотемур номгузорӣ шуд. Ёдрас менамоем, ки 3 ҳавопаймои ширкат қаблан ба ифтихори Исмоили Сомонӣ, Садриддин Айнӣ ва Мирзо Турсунзода номгузорӣ шудаанд.Интизор меравад, ки то охири соли ҷорӣ ширкати ҳавопаймоии «Сомон Эйр» боз як ҳавопаймои дигари Боинг 737-900-ро вориди кишвар менамояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






