Тӯхфа ба оилаҳои бесаробону камбизоат

Файзобод,   22 сентябр. (АМИТ «Ховар»,  Зебо  Давлатова). –  Ба қавли    раиси  кумитаи  кор  бо  занон ва  оилаи  назди  ҳукумати  ноҳияи  Файзобод Гул Халифаева, робитаву ҳамкорӣ бо  ташкилотҳои  хориҷӣ      боиси   паст   шудани сатҳи  камбизоатӣ  дар  ноҳия  гаштааст. Бо  дастгирии  Кумитаи  имдоди  Имом Хумайнӣ  дар  ноҳияи  Файзобод ба  37  нафар   оилаҳои  бесаробон кӯмаки  моддӣ   расонида шуд.  Инчунин, дар  арафаи  ҷашни Истиқлолияти  кишвар  ва  80  — солагии ноҳия  ба  32  нафар  оилаҳои  бесаробон аз тарафи  ташкилоти  ҷамъиятии «Умеди  аср» дар  ҳамкорӣ бо  бахши Кумитаи  кор  бо  занон ва оилаи  назди  ҳукумати  ноҳияи  Файзобод  кӯмаки  моддӣ, аз  қабили  орд,  равған,  шакар, биринҷ  ва  дигар  маводи  ғизоӣ  расонида шуд.