Таҷлил аз Истиқлоли Тоҷикистон дар Астрахан

Душанбе, 6 сентябр. (АМИТ «Ховар», Дилшодаи Хайруллоҳ).- 5 сентябри соли 2011-ум дар боғи марказии шаҳри Астрахани Федератсияи Русия бо ташаббуси раиси ҷамъияти тоҷикони вилоят Раҳматуллои Лоиқ бахшида ба 20-умин солгарди Истиқлолияти меҳани азизамон намоиши идона оғоз гардид.Дар намоишгоҳ мардуми Астрахан ва меҳмонони он аз толори китобҳои тоҷикӣ дидан намуда, бо осори шоирону нависандагони тоҷик, махсусан китобҳои Раҳим Масов, Бобоҷон Ғафуров ва дигарон ошно мегарданд.Намоиш то рӯзи 9-уми сентябр давом хоҳад кард.Дар ин бора ба мухбири АМИТ «Ховар» Мирзо Асозода аз шаҳри Астрахан иттилоъ дод.