Таҷлили 20 — солагии ҶТ дар Туркия

Сентябрь 16, 2011 13:07

Анқара, 16 сентябр. (АМИТ «Ховар», Фарангис Раҳимова). – Бо ибтикори Сафорати Ҷумҳурии Тоҷикистон дар Ҷумҳурии Туркия дар шаҳри Анқара бахшида ба 20 — умин солгарди Истиқлолияти давлатии Ҷумҳурии Тоҷикистон маҷлиси расмии қабул ороста шуд. Дар ин чорабинӣ вазири рушди Туркия Ҷевдет Йилмаз, намояндагони корпуси дипломатии муқими Туркия, ҷамъияти тоҷикон, тоҷирон, ҳамчунин ВАО маҳаллӣ ва хориҷӣ иштирок доштанд.Сафири Ҷумҳурии Тоҷикистон дар Ҷумҳурии Туркия Фаррух Шарифов зимни суханрониаш зикр намуд, ки истиқлолият неъмати бебаҳоест, ки тоҷикон баъди садсолаҳо ба даст овардаанд. Тоҷикистон тайи 20 – соли Истиқлолияти худ ба ваҳдату ягонагии миллӣ муваффақ шуда, дар соҳаҳои иқтисодиёт, сиёсат, фарҳанг ва иҷтимоиёт ба комёбиҳои зиёде ноил гардид. Он чиз хурсандиовар аст, ки чорабинии имрӯза бахшида ба 20 — солагии Истиқлолияти Ҷумҳурии Тоҷикистон дар кишвари дӯсту бародари Туркия сурат мегирад.Вазири рушди Туркия Ҷевдет Йилмаз дар навбати худ иброз дошт, ки Тоҷикистону Туркияро фарҳанги волою пурмазмун муттаҳид месозад, ки Мавлоно Ҷалолиддини Румӣ яке аз саромадҳои он аст. Вазир ҳамчунин зикр намуд, ки ҳар ду кишвар заминаи хуби ҳамкории минбаъдаро доранд. Ӯ изҳори умедворӣ намуд, ки ҳамкории дуҷониба минбаъд ҳам мустаҳкам хоҳад шуд.

Сентябрь 16, 2011 13:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд