Таҷлили 20-солагии Истиқлолияти Тоҷикистон дар СММ

Сентябрь 15, 2011 16:02

Душанбе, 15 сентябр. (АМИТ «Ховар», Бекназари Абӯбакр). — 12 сентябри соли 2011 дар бинои Намояндагии доимии Ҷумҳурии Тоҷикистон дар Созмони Милали Муттаҳид ба муносибати 20-солагии Истиқлолияти Ҷумҳурии Тоҷикистон зиёфати расмӣ баргузор гардид. Дар ин чорабинӣ роҳбарият ва кормандони масъули котибот ва сохторҳои гуногуни СММ, сафирон ва дипломатҳо, тоҷикон ва тоҷикистониёни муқими Иёлоти Муттаҳидаи Амрико, аҳли ҳунар ва намояндагони воситаҳои ахбори омма иштирок намуданд. Ба муносибати ҷашни Истиқлолият толорҳои пазироии Намояндагии доимӣ бо нигораҳои рассомони шинохтаи тоҷик Леонид Хушвахтов, Сӯҳроб Қурбонов ва Фаридун Неъматзода, инчунин намунаҳои ҳунарҳои миллии тоҷикӣ оро дода шуда буданд. Ба самъи меҳмонон дар иҷрои ҳунарпешагони тоҷики муқими Ню-Йорк таронаҳои миллӣ пешкаш гардид. Барои меҳмонон дастархони идонаи тоҷикӣ густурда шуд.Дар ин бора ба АМИТ «Ховар» аз ВКХ ҶТ иттилоъ доданд.

Сентябрь 15, 2011 16:02

Хабарҳои дигари ин бахш