Таъсири моддаҳои радиоактивӣ ба муҳити зист

Душанбе, 19 сентябр. (АМИТ «Ховар», Дилшодаи Хайруллоҳ). – Аз 26 то 30 сентябри соли равон дар шаҳри Душанбе семинари байналмилалӣ оид ба «Таъсири моддаҳои радиоактивӣ ба муҳити зист» гузаронида мешавад.Дар семинар мутахассисон аз мамлакатҳои Юнон, Испания, Кипр, Хорватия, Беларус, Арманистон, Гурҷистон, Қазоқистон, Молдова, Латвия, Литва, Полша иштирок менамоянд.Тавре аз Агентии амнияти ядроӣ ва радиатсионии Академияи Илмҳои Ҷумҳурии Тоҷикистон ба мухбири АМИТ «Ховар», иттилоъ доданд, мақсади семинари мазкур амалӣ намудани мубодилаи таҷрибаҳо оид ба татбиқи меъёрҳои МАГАТЭ дар масъалаи таъсири моддаҳои радиоактивӣ ба муҳити зист ва аҳолӣ мебошад.