Таъсиси маркази байналмилалӣ дар Балҷувон

Сентябрь 6, 2011 15:02

Душанбе, 6 сентябр.(АМИТ «Ховар», Марзия Саидова).- Дар остонаи ҷашни Истиқлолияти давлатӣ дар ноҳияи кӯҳистони Балҷувон муассисаи давлатии «Маркази байналмилалии тавонбахшӣ» ба истифода дода шуд.Маркази мазкур дар асоси банди 12-и «Барномаи маҷмӯии рушди ноҳияи Балҷувон ҳамчун минтақаи туризми байналмилалӣ дар давраи солҳои 2002-2012» созмон дода шудааст.Сохтмони бинои Марказ соли 2007 оғоз ёфта, барои пурра ба истифода додани он беш аз 12 миллион сомонӣ ҷудо гардидааст. То имрӯз ба маблағи зиёда аз 3 миллион сомонӣ корҳо ба анҷом расидаанд. Марказ тибқи нақша дар зарфи 2 сол пурра мавриди баҳрабардорӣ қарор дода мешавад.«Маркази байналмилалии тавонбахшӣ» барои 150 ҷой пешбинӣ шуда, алҳол як қисми он, яъне 20 ҷой ба истифода дода шудааст.Зарурати таъсиси Маркази мазкур аз афзоиши теъдоди ниёзмандон ба хизматрасониҳои иҷтимоӣ дар вилояти Хатлон, ки ба оқибатҳои ҷанги шаҳрвандӣ ва аз минаҳо зарардида вобаста аст, бармеояд.Аз Агентии давлатии ҳифзи иҷтимоӣ, шуғли аҳолӣ ва муҳоҷирати  Вазорати меҳнат ва ҳифзи иҷтимоии аҳолии ҷумҳурӣ иттилоъ доданд, ки барои ба хизматрасонии иҷтимоӣ фаро гирифтан дар Маркази миллии тавонбахшӣ барои кӯдакон ва наврасони Чорбоғ зиёда аз 300 нафар кӯдакон дар навбатанд, ки беш аз сад нафари онҳо сокинони вилояти Хатлон мебошанд. Таъсиси Марказ дар Балҷувон барои ба табобат фаро гирифтани кӯдакони нисбатан маъюб ба усулҳои нисбатан замонавии тавонбахшӣ мусоидат менамояд.14.27.

Сентябрь 6, 2011 15:02

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд