Таваррум ва меъёри бозтамвил
Душанбе, 20 сентябр. (АМИТ «Ховар», Бекназари Абӯбакр). — Тибқи маълумоти расмӣ дар ҳашт моҳи соли равон сатҳи таваррум 8,5 фоиз ва таварруми моҳона ба 0,8 фоиз баробар шуд. Аз хадамоти матбуоти Бонки миллии Тоҷикистон ба мухбири АМИТ «Ховар» иттилоъ доданд, ки тайи як соли охир сатҳи таваррум дар маҷмӯъ 13,8 фоизи солонаро ташкил дод. Меъёри бозтамвил, ки аз нишондиҳандаҳои муҳими молиявӣ маҳсуб меёбад, моҳи августи соли ҷорӣ 9 фоиз ва аз аввали сол ба ҳисоби миёна ба 8,82 фоизи солона баробар шуд.