Вуруди 14 ҳазор тухми мурғи гӯштӣ ба фабрика

Мӯъминобод, 7 сентябр. (АМИТ «Ховар», С. Холов). – Бино ба иттилои директори фабрикаи мурғпарварии ноҳияи Мӯъминобод Давлат Юсуфов ба фабрикаи онҳо аз тарафи ширкати Мозандарони Давлати Исломии Эрон 14 ҳазор тухми мурғи гӯштӣ ворид гардид. Мақсад аз ворид гардидани тухми мурғ рушди соҳаи мурғпарварӣ ва бештар ба фурӯш баровардани гӯшти мурғ дар мағозаҳои ноҳия ва берун аз он мебошад. Айни ҳол дар фабрика 10 ҳазору 700 чӯҷа ва 6 700 мурғ парвариш ёфта, вазни ҳар як мурғ аз 1,5 то 2 кг – ро ташкил медиҳад. Бо супориши Сарвари давлат Эмомалӣ Раҳмон барои корхона 100 гектар замин ҷудо гардида, аз фонди ҳукумати ҶТ барои рушди соҳаи мурғпарварӣ 3 миллион сомонӣ ҷудо карда шуд.