Ярмаркаи асалпарварон

Душанбе, 3 сентябр. (АМИТ «Ховар», Зебо Давлатова). – Соҳаи асалпарварӣ ҳамасола дар кишвар рушд меёбад. Тайи солҳои охир дар ноҳияю шаҳрҳо ва пойтахти кишварамон Иди асал ҷашн гирифта мешавад. Дирӯз дар майдони 800 – солагии Москваи пойтахт иди асал доир гардид. Асалпарварону хоҷагидорони ноҳияҳои Тоҷикободу Ҷиргатол, Рашту Нуробод, Файзободу Ваҳдат дар баробари асалҳои беҳтарини худ дигар маҳсулоти кишоварзӣ, аз ҷумла помидору бойимҷон, қаланфури булғорию сирпиёз, гӯшту картошкаро ба харидорон бо нархи нисбат ба бозор арзонтар ба фурӯш бароварданд.