Ғолибони мусобиқаи варзишӣ оид ба муҳорибаи универсалӣ

Душанбе, 6 октябр. (АМИТ «Ховар», Дилшодаи Хайрулло). – Аз 20 то 25 сентябри соли равон дар шаҳри Анапаи Русия мусобиқаи варзишӣ оид ба муҳорибаи универсалӣ  доир гардид. Дар ин чорабинӣ варзишгарони 30 давлат, аз ҷумла Русия, Украина, Молдова, Қазоқистон,   Узбекистон, Сурия, Булғористон, Литва ва Чехия ширкат варзиданд. Кишвари моро дар ин чорабинӣ     Собир Каримов-сармураббӣ ва варзишгарон Хуршед Нуров, Мубориз Амирбеков ва Маҳмадюнус Ризоев  муаррифӣ карданд.Хуршед Нуров дар вазни 55 кг миёни ҷавонони 16-17 сола сазовори медали тилло ва унвони чемпиони ҷаҳон гардид.Мубориз Амирбеков дар вазни 50 кг байни наврасони 14-15 сола   соҳиби медали нуқра гардид.Маҳмадюнус Ризоев   дар вазни 80 кг миёни ҷавонони 16-17 сола медали биринҷиро соҳиб шуд.