Қоҳир Расулзода раисони навтаъиншударо муаррифӣ намуд
Душанбе, 31 октябр. (АМИТ «Ховар», Бекназари Абӯбакр). — Бо Фармонҳои Президенти Ҷумҳурии Тоҷикистон як қатор тағйироти кадрӣ ба амал омад. Аз ҷумла, раиси ноҳияи Бобоҷон Ғафуров Лутфулло Муҳиддинов бо сабаби роҳ додан ба камбудиҳои ҷиддӣ дар тақсим ва истифодаи замин бо Фармони Президенти мамлакат аз вазифа озод карда шуд.Тибқи Фармонҳои Президенти мамлакат С. Мирхолиқов аз вазифаи раиси шаҳри Хуҷанд озод ва иҷрокунандаи вазифаи раиси ноҳияи Бобоҷон Ғафуров, Р. Каримов. аз вазифаи раиси шаҳри Қайроққум озод ва иҷрокунандаи вазифаи раиси шаҳри Хуҷанд таъйин гардиданд. Ҳамчунин бо Фармони Президенти мамлакат Х. Юлдошев иҷрокунандаи вазифаи раиси шаҳри Қайроққум таъйин шуд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки раиси вилояти Суғд Қоҳир Расулзода иҷрокунандагони вазифаи раисони шаҳрҳои Хуҷанд, Қайроққум ва Бобоҷон Ғафуровро ба кормандон ва фаъолони шаҳру ноҳияҳои зикргардида дар вазъияти тантанавӣ муаррифӣ намуд.«Рисолати ҳар як ходими давлатӣ, алалхусус раисони шаҳру навоҳӣ ва дигар роҳбарон пеш аз ҳама хидмати халқ намудан, ҳамдилу ҳамнафаси мардум будан, ободкору созанда, бовиҷдону ҳалолпеша будан аст», — таъкид дошт Қоҳир Расулзода.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






